نكت المدرسة

هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟
حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية
.........................
.........................
.........................

هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش

[center] .........................
.........................

واحد الأستاذ ديال الفرنسية سول التلاميذ ديالو: أشنو كيعجبكم فـي الفرنسية ؟
واحد قال ليه: اكسبريسيون اكريت
Expression écrite
التاني قال ليه: اكسبريسيون أورال
Expression orale
نقز الكسول قال ليه: غاماصي ڤو زافيغ
Ramassez vos affaires

[center] .........................
.........................
.........................

[/center]

أستاد د الفرنسية سول واحد التلميد ديالو: كيفاش كنقولو الصراحة راحة بالفرنسية؟
قال ليه التلميد
La vérité rité

.........................
.........................
.........................

هادا واحد الاستاد سول التلاميد دياولو :ما هو أقرب كوكب إلى الأرض؟
حتى واحد ما عرف يجاوب. شوية و هو يهز واحد الكسول إيديه: "استاد، استاد، استاد
قال ليه جاوب
جاوب الكسول: الكوكب المراكشي

.........................
.........................
.........................

واحد الاستاد ديال الفرنسية سول التلاميذ دياولو: أشنو هي النجمة بالفرنسية؟
واحد التلميذ عرفها ولكن حشومي، وقالها لصاحبو الكسول. داك الكسول هز صبعو وقال للاستاذ: ليطوال
L'étoile
تعجب الاستاذ من هاداك الكسول وقال ليه: ركبها في جملة مفيدة.
جاوبو الكسول: اللي طوال يرجعو اللور، واللي قصار يزيدو القدام

.........................
.........................
.........................

واحد المعلم قال للتلاميد دياولو: اللي حاس براسو مكلخ يوقف
سكتوا التلاميد كاملين إلا واحد ناض وقف
قال ليه المعلم: حاس براسك مكلخ؟
قال ليه التلميد: لا، غير ما بغيتكش تبقى واقف بوحدك

.........................
.........................
.........................

هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ
المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها
[/center]